اداکارہ صبا قمر کا شمار پاکستان کی صف اول کی اداکاراؤں میں ہوتا ہے، انہوں نے نہ صرف پاکستان بلکہ بھارت میں بھی اپنے ہنر کا لوہا منوایا اور خوب داد سمیٹی ہے۔
صبا قمر تین برس بعد بڑے پردئے پر فلم 'کملی' کے ساتھ واپسی کررہی ہیں جس کی پہلی جھلک انہوں نے اپنے مداحوں سے انسٹاگرام پر شیئر کی۔
صبا قمر نے انسٹاگرام پر 2 تصاویر شیئر کیں اور اس میں فلم کا نام 'کملی' لکھا، اس فلم کو سرمد کھوسٹ اور فاطمہ ستار نے تحریر کیا ہے جبکہ اس کی پروڈکشن بھی سرمد کھوسٹ کی جانب سے ہی کی جارہی ہے۔
واضح رہے صبا قمر نے سنہ 2016 کی فلم 'لاہور سے آگے' میں اپنی اداکاری کے جوہر دکھائے تھے اور اب وہ ایک بار پھر فلم 'کملی' کے ذریعے پڑے پردے پر نظر آئیں گی۔
