پاکستان کے سابق مایہ ناز فاسٹ بولر شعیب اختر نے سینیئر سری لنکن کھلاڑیوں کے دورہ پاکستان سے معذرت کرنے پر ناراضگی کا اظہار کیا ہے۔
راولپنڈی ایکسپریس نے ٹویٹ کرتے ہوئے لکھا کہ مجھے 10 سری لنکن کھلاڑیوں کی جانب سے دورہ پاکستان سے معذرت کرنے پر مایوسی ہوئی ہے۔ پاکستان ہمیشہ سے سری لنکا کرکٹ کیلئے بڑی سپورٹ رہا ہے، حال ہی میں ایسٹر دھماکوں کے باوجود ہم نے اپنی انڈر 19 ٹیم کو وہاں بھجوایا جو اس تمام تر صورتحال کے بعد سری لنکا کا دورہ کرنے والی پہلی انٹرنیشنل ٹیم تھی۔
So disappointed with the 10 Sri Lankan players who have pulled out of Pakistan tour.
Pakistan has always been a huge support for SL cricket.
Recently after deadly Easter Attacks in SL, our under-19 team was sent on tour there, being the first international team to volunteer.— Shoaib Akhtar (@shoaib100mph) September 11, 2019
ایک اور ٹویٹ میں انہوں نے لکھا کہ یہ کیسے ہوسکتا ہے کہ کوئی 1996 کے ورلڈکپ کو بھول جائے جب آسٹریلیا اور ویسٹ انڈیز نے سری لنکا میں کھیلنے سے انکار کردیا تھا۔ پاکستان نے بھارت کے کھلاڑیوں کے ساتھ مل کر مشترکہ ٹیم بنائی اور کولمبو میں دوستانہ میچ کھیلا۔
ٹویٹ میں ان کا مزید کہنا ہے کہ ہم سری لنکا کی طرف سے تعاون کی توقع رکھتے ہیں، ان کا بورڈ تعاون کر رہا ہے، کھلاڑیوں کو بھی تعاون کرنا چاہیئے۔
And ofcourse who can forget the 1996 World Cup when Australia & West Indies refused to tour Sri Lanka.
Pakistan sent a combined team with India to play a friendly match in Colombo.
We expect reciprocation from Sri Lanka. Their board is cooperating, players should also.— Shoaib Akhtar (@shoaib100mph) September 11, 2019
