وفاقی حکومت نے بیوروکریٹس کو کنٹرول کرنے کے لئے ایک اور مراسلہ جاری کردیا ، کابینہ ڈویژن کی جانب سے وفاقی سیکرٹریز ،ایڈیشنل سیکرٹریز انچارج کے نام ہدایت نامہ جاری کردی گئیں۔

 کابینہ ڈویژن کی طرف سے جاری نوٹفکیشن کے مطابق وفاقی سیکرٹریز اور ایڈیشنل سیکرٹریز انچارج جمعہ اور پیرکو اپنے آبائی اضلاع میں میٹنگز کاانعقاد نہیں کرسکیں گے۔

نوٹی فکیشن کے مطابق تمام وفاقی سیکرٹریز کواسلام آباد چھوڑنے سے پہلے وزیراعظم سے اجازت لینا ہوگی۔ تمام ایڈیشنل سیکرٹریز اپنی وزارت یا ڈویژن کے سیکرٹری کا ایڈیشنل سیکرٹری انچارج سے اسلام آباد سے جانے کی اجازت لیں گے ۔

مراسلہ کے مطابق کابینہ ڈویژن نے ہدایات پر سختی سے عملدرآمد کے لئے مراسلہ جاری کردیا۔ حکومتی اس اقدام سے ٹی اے ڈی اے کی مد میں حکومت کو لاکھوں کی بچت ہوگی۔