کولمبو: سری لنکا میں جاری انڈر نائنٹین ایشیاکپ میں پاکستان کی ناقص کارکردگی، قومی ٹیم گروپ مرحلے میں ہی ایونٹ سے باہر ہوگئی۔
دوسرے گروپ میچ میں روایتی حریف بھارت نے پاکستان کو ساٹھ رنز سے شکست دے دی، تین سو چھ رنز کے تعاقب میں قومی ٹیم دو سو پینتالیس رنز پر آؤٹ ہوئی۔
کپتان روحیل نذیر کی سنچری کام نہ آئی، پاکستان انڈرنائنٹین ٹیم کو پہلے میچ میں افغانستان کے ہاتھوں شکست کا کڑوا گھونٹ پینا پڑا تھا۔
اس سے قبل افغانستان کیخلاف کھیلے گئے میچ میں قومی ٹیم کو 85 رنز سے شکست ہوئی تھی۔
