وزیر خارجہ شاہ محمود قریشی نے صدر سلامتی کونسل کو ایک اور خط لکھا ہے،بھارت کی جانب سے ممکنہ جعلی فلیگ آپریشن پر تشویش کا اظہار،کہتے ہیں اقوام متحدہ مبصرین کی تعداد دگنی کی جائے ۔مبصرین لائن آف کنٹرول کے پار صورتحال کا جائزہ لیں ۔
وزیرخارجہ شاہ محمود قریشی نے صدر سلامتی کونسل کو آگاہ کیا کہ مقبوضہ کشمیر سے متعلق یکطرفہ بھارتی اقدامات کے باعث جنوبی ایشیا کے امن و استحکام کو سنگین خطرات لاحق ہیں، سلامتی کونسل علاقائی امن و سلامتی کیلئے اپنا کردار ادا کرے۔
انہوں نے بتایا کہ مکمل لاک ڈاون کے باعث مقبوضہ کشمیر میں انسانی صورتحال انتہائی خراب ہے،بھارت پر لاک ڈاوں ختم کرنے کیلئے دبائو ڈالا جائے۔
وزیرخارجہ نے صدر سلامتی کونسل کو جوہری معاملےپر بھارتی رہنمائوں کے غیر ذمہ دارانہ بیانات سے بھی آگاہ کیا اور کہا کہ پاکستان عالمی ادارے کی قراردادوں کے مطابق مسئلہ کشمیر کے پر امن حل کیلئے سلامتی کونسل۔اقوام متحدہ کے سیکریٹری جنرل اور عالمی برادری سے ہر ممکن تعاون کو تیار ہے ،وزیر خارجہ نے یکم ،،چھ اور تیرہ اگست کو بھی صدر سلامتی کونسل کو خطوط لکھے تھے ۔
