محکمہ ہائیر ایجوکیشن نے پنجاب میں بی اے، بی ایس سی کی ایسوسی ایٹ ڈگری پر بھی سمسٹر سسٹم لاگو کردیا ہے۔ آئندہ سیشن میں امتحانات سالانہ نظام تعلیم کے تحت نہیں ہوں گے۔
ترجمان محکمہ ہائیر ایجوکیشن کے مطابق پنجاب بھر میں بی اے، بی ایس سی کی ایسوسی ایٹ ڈگری کے امتحانات بھی اب سمسٹر سسٹم کے تحت ہوں گے۔
دوہزار انیس بیس میں بی اے، بی ایس سی کی ایسوسی ایٹ ڈگری میں امتحانات سالانہ نظام تعلیم کے تحت لئے جائیں گے مگر آئندہ سیشن میں امتحانات بھی سمسٹر سسٹم سے لئے جائیں گے۔
محکمہ ہائیر ایجوکیشن کی جانب سے نوٹیفیکیشن بھی جاری کردیا گیا ہے اور طلبہ کو معلومات فراہم کرنے کے لیے دوفوکل پرسن بھی لگا دئیے گئے ہیں۔
