قومی کرکٹ ٹیم کے سابق کپتان معین خان کا کہنا ہے کہ نوجوان کھیل اور تعلیم میں شارٹ کٹ کے بجائے جدوجہد پریقین رکھیں، محنت کا صلہ ضرور ملے گا۔
کراچی میں ایک تقریب سے خطاب کرتے ہوئے معین خان کا کہنا تھا کہ ہرکامیابی کے پیچھے سخت منحت ہوتی ہے نوجوان بھی ملک کی ترقی کے لیے اپنا کردار ادا کریں۔
ان کا کہنا تھا کہ نوجوان کھیل اور تعلیم میں شارٹ کٹ کے بجائے جدو جہد پریقین رکھیں، محنت کا صلہ ضرور ملے گا۔
تقریب میں سابق کپتان یونس خان، سابق چیف سلیکٹر اقبال قاسم، سابق فاسٹ بولر جلال الدین، کرکٹر فواد عالم، خرم منظور، سہیل خان سمیت شوبز ستاروں کی بھی بڑی تعداد نے شرکت کی۔
