مارول کے سربراہ کیون فیج ڈزنی جمعے کے روز الٹمیٹ فین ایونٹ ڈی 23 ایکسپو میں کئی سرپرائزز لے کر آئے جس میں سے ایک 'مس مارول' بھی تھا۔

انہوں نے اعلان کیا کہ مارول اسٹوڈیو 'مس مارول' کمالہ خان پر کام کررہا ہے جو ایک پاکستانی نژاد امریکی سپر ہیرو ہے۔

ان کا مزید اعلان کیا کہ آپ مس مارول سے اس کی ڈزنی سیریز اور پھر فلموں میں ملیں گے، یہ ہمارے لئے انتہائی دلچسپ ہے۔

مس مارول کی کہانی ایک نوعمر لڑکی کمالہ خان کے گرد گھومتی ہے جو پاکستانی نژاد امریکی شہری ہے اور اس کا تعلق نیو جرسی سے ہے۔ 16 سالہ کمالہ خان اپنی ہئیت بدلنے کی صلاحیت رکھتی ہے۔

واضح رہے کہ یہ پروجیکٹ ابھی ابتدائی مراحل میں ہے اور کوئی ٹائم لائن یا کاسٹ طے نہیں کی گئی ہے۔