پاکستان میں ٹیسٹ سیریز کے کھیلنے کے حوالے سے سری لنکن کرکٹ بورڈ کو رپورٹ موصول ہوگئی۔ سی ای او ایشلے ڈی سلوا کہتے ہیں کہ رپورٹ تسلی بخش ہے، گورنمنٹ اور کھلاڑیوں سے بات چیت کے بعد کوئی فیصلہ کریں گے۔
پاکستان میں دس سال بعد کم از کم ایک ٹیسٹ میچ کھیلے جانے کا امکان روشن ہوگیا، پاکستان کے دورے پر آئے سیکیورٹی وفد نے واپس پہنچ کر سری لنکن بورڈ کو مثبت رپورٹ پیش کی۔
بورڈ کے سی ای او ایشلے ڈی سلوا کہتے ہیں رپورٹ تسلی بخش ہے، پی سی بی سے مزید بات چیت ہونی ہے۔
ان کا مزید کہنا ہے کہ اپنی حکومت سے مشورہ لینے کے بعد کسی نتیجہ پر پہنچیں گے۔
ذرائع کے مطابق حکومت نے حامی بھر بھی لی لیکن سری لنکن کھلاڑیوں کو دورے کیلئے منانا بورڈ کیلئے بڑا چیلنج ہوگا۔
