نیب کی جانب سے مریم نوازکی گرفتاری کے بعد وزارت داخلہ میں ہنگامی اجلاس امن وامان کی صورتحال پرغور کیا گی اور فیصلہ کیا گیا کہ ہنگامہ اروائی اور احتجاج کرنے والوں سے سختی سے نمٹا جائے گا ۔
وفاقی وزیرداخلہ اعجازشاہ کی زیرصدارت اجلاس میں آئی جی اسلام آباد ،سیکرٹری داخلہ پنجاب سمیت اعلی حکام نے شرکت کی اجلاس میں مسلم لیگ ن کی رہنما مریم نوازکی گرفتاری کے بعد امن وامان کی صورتحال کا جائزہ لئے گیا۔
ذرائع کے مطابق اجلاس میں فیصلہ کیا گیا کہ کسی بھی بدامنی سے سختی سے نمٹا جائے گا اس حوالے سے پولیس کو الرٹ رہنے کی بھی ہدایت کی گئی۔
اجلاس میں آئی اسلام اباد عامرذوالفقارنے اسلام اباد میں سیکورٹی کے صورتحال سے آگاہ کیا ۔ اسلام اباد میں نیب حکام کی سیکورٹی کوبڑھا دیا گیا ہے ۔ وزیرداخلہ کوپنجاب کی مجموعی صورتحال سے بھی آگاہ کیا گیا ۔
