لاہور: قومی کرکٹ ٹیم کے سابق کپتان مصباح الحق گرین شرٹس کی کوچنگ کے مضبوط ترین امیدوار بن گئے۔

ذرائع کے مطابق مکی آرتھر کو سائیڈ لائن کرنے کے بعد مصباح الحق قومی ٹیم کی ہیڈ کوچنگ کیلئے مضبوط امیدوار قرار دیئے جارہے ہیں۔

مصباح الحق کو ہیڈ کوچ یا بیٹنگ کوچ کی ذمہ داریاں سونپی جاسکتی ہیں جبکہ سابق ٹیسٹ فاسٹ بولر محمد اکرم کو بولنگ کوچ کی ذمہ داریاں سونپے جانے کا امکان ہے۔

مصباح الحق نے 2010 کے بدنام زمانہ اسپاٹ فکسنگ اسکینڈل کے بعد قومی کرکٹ ٹیم کی قیادت سنبھالی تھی، ان کے دور میں شاہینوں نے ٹیسٹ کرکٹ میں پہلی پوزیشن اپنے نام کی اور اسی لئے انہیں پاکستان کا کامیاب ترین ٹیسٹ کپتان ہونے کا اعزاز بھی حاصل ہے۔

واضح رہے سابق کپتان مصباح الحق 2017 میں تمام طرز کی بین الاقوامی کرکٹ سے الگ ہوگئے تھے۔ بورڈ نئی تعیناتیوں کے لئے جلد اخبارات میں اشتہار جاری کرے گا۔