نیب نے سابق وزیراعظم شاہد خاقان عباسی کونئے مقدمے میں شامل تفتیش کرنے کا فیصلہ کر لیا ۔ ذرائع کے مطابق سابق وزیراعظم نے شوکت عباسی کوچیئرمین ایس ای سی پی بنانے کے لیے اختیارات سے تجاوزکیا ۔
ذرائع کے مطابق نیب نے سابق وزیراعظم شاہد خاقان عباسی کونئے مقدمے میں شامل تفتیش کرنے کا فیصلہ کیا ہے ۔
سابق وزیراعظم سے سابق چیئرمین ایس ای سی پی شوکت عباسی تقرری کیس میں تفتیش ہوگی ۔
نیب ذرائع نے کہا ہے کہ شاہد خاقان عباسی نے سابق چیئرمین ایس ای سی پی کی غیرقانونی تقرری کی اورشوکت عباسی کوچیئرمین ایس ای سی پی بنانے کے لیے اختیارات سے تجاوزکیا ۔
ذرائع نے کہا ہے کہ شاہد خاقان عباسی کے وزیراعظم بنتے ہی شوکت عباسی کوغیرمعمولی ترقی ملی اورشوکت عباسی اخبار کے اشتہارکے مطابق چیئرمین ایس ای سی پی کے امیدوارنہیں تھے ۔
نیب ذرائع کا کہنا تھا کہ شاہد خاقان عباسی کی مداخلت پرشوکت عباسی چیئرمین ایس ای سی پی کے امیدوار بن گئے ۔
