نئی دہلی: بھارتی لوک سبھا میں آئین کے آرٹیکل 370 کے خاتمے کی قرار داد اور مقبوضہ جموں و کشمیر اور لداخ کو 2 حصوں میں تقسیم کرنے کا بل منظور ہوا، جس کے بعد ہندوستانی وزیر اعظم نریندر مودی نے ٹوئٹر پر پہلی مرتبہ اردو میں ٹویٹ کرتے ہوئے مظلوم کشمیریوں کے زخموں پر نمک چھڑک دیا۔ انہوں نے اپنے پیغام میں مبارک باد دیتے ہوئے لکھا کہ جموں وکشمیر کی تقسیم کا بل پاس ہونا ایک یادگار لمحہ ہے، بل پاس ہونے کے بعد اب وہ جموں و کشمیر کے نوجوانوں کو قومی دھارے میں لائیں گے اور اُنہیں اپنی ہنر مندی اور صلاحیت کا مظاہرہ کرنے کے وسیع مواقع فراہم کریں گے۔ جموں و کشمیر سے متعلق بل اتحاد اور اختیار کاری کو یقینی بنائیں گے۔ یہ اقدامات جموں و کشمیر کے نوجوانوں کو قومی دھارے میں لائیں گے اور انہیں اپنی ہنر مندی اور صلاحیت کا مظاہرہ کرنے کے وسیع مواقع فراہم کریں گے۔ مقامی بنیادی ڈھانچے میں اہم اصلاح رونما ہو گی۔ — Narendra Modi (@narendramodi) August 6, 2019 مودی نے ٹویٹ میں انڈین وزیر داخلہ امیت شاہ کو بل پاس ہونے پر مبارکباد دی اور کہا کہ ہم سب ایک ہیں اور ہم ایک ساتھ مل کر 130 کروڑ ہندوستانیوں کے خوابوں کو شرمندہ تعبیر کریں گے، یہ ہماری پارلیمانی جمہوریت میں ایک یادگار لمحہ ہے، جب جموں و کشمیر سے متعلق بل زبردست حمایت کے ساتھ منظور ہوا ہے، جموں و کشمیر کو اس سے فائدہ پہنچے گا۔ ہم ایک ساتھ ہیں، ہم ایک ساتھ اٹھیں گے اور ہم ایک ساتھ مل کر 130 کروڑ ہندوستانیوں کے خوابوں کو شرمندہ ٔ تعبیر کریں گے! ہماری پارلیمانی جمہوریت میں ایک یادگار لمحہ، جب جموں و کشمیر سے متعلق سنگ میل بل زبردست حمایت کے ساتھ منظور ہوئے ہیں۔ جموں و کشمیر کو اس سے فائدہ پہنچے گا۔ — Narendra Modi (@narendramodi) August 6, 2019 انہوں نے کہا کہ جموں و کشمیر اب بیڑیوں سے آزاد ہو چکا ہے، اب جموں و کشمیر کے نوجوانوں کو قومی دھارے میں لائیں گے اور انہیں اپنی ہنر مندی اور صلاحیت کا مظاہرہ کرنے کے وسیع مواقع فراہم کریں گے۔ پیغام میں مزید کہا گیا کہ مقامی بنیادی ڈھانچے میں اہم اصلاح رونما ہو گی، بھارتی لوک سبھا میں واضح اکثریت کے ساتھ بل پاس ہونے کے بعد لداخ کے عوام کا دیرینہ مطالبہ پایۂ تکمیل کو پہنچا ہے، یہ فیصلہ ان کے خطے کی مجموعی خوشحالی کو مہمیز کرے گا اور بہتر ترقیاتی سہولتوں کو یقینی بنائے گا۔ لداخ کے عوام کو خصوصی مبارکباد! یہ بات از حد مسرت کی ہے کہ مرکز کا زیر انتظام علاقہ قرار دیے جانے کا ان کا دیرینہ مطالبہ پایۂ تکمیل کو پہنچا ہے۔ یہ فیصلہ ان کے خطے کی مجموعی خوشحالی کو مہمیز کرے گا اور بہتر ترقیاتی سہولتوں کو یقینی بنائے گا۔ — Narendra Modi (@narendramodi) August 6, 2019 انہوں نے کہا کہ بھارتی پارلیمنٹ میں سیاسی پارٹیوں نے اس موقع پر اپنی بیداری کا ثبوت پیش کرتے ہوئے اپنی حمایت دی، نظریاتی اختلافات کو فراموش کرکے بحث میں حصہ لیا ،جس نے ہماری پارلیمانی جمہوریت کے وقار میں اضافہ کیا ہے،بل پاس کرنے پر میں تمام اراکین پارلیمنٹ، سیاسی پارٹیوں اور ان کے قائدین کو مبارکباد پیش کرتا ہوں۔ جموں و کشمیر کے عوام اس امر پر فخر کا احساس کریں گے کہ اراکین پارلیمنٹ نے اپنے اختلافات فراموش کرکے جموں و کشمیر کے خاکے پر کھل کر مباحثے میں حصہ لیا اور امن، ترقی اور خوشحالی کو یقینی بنانے میں دلچسپی لی۔ — Narendra Modi (@narendramodi) August 6, 2019 بھارتی وزیر اعظم نریندر مودی نے ٹوئٹر پر 5 زبانوں میں مبارکباد کا پیغام دیا۔ انہوں نے اس کیلئے انگریزی ، ہندی ، اردو، بنگالی اور کناڈا زبان کا انتخاب کیا۔ نریندر مودی نے ہر زبان میں 11 ٹویٹ کرکے بھارت کے عوام، مقبوضہ جموں و کشمیر اور لداخ کے لوگوں کو آرٹیکل 370 کے خاتمے پر مبارکباد پیش کی اور ان لوگوں کا شکریہ ادا کیا جنہوں نے اس آرٹیکل کے خاتمے میں اہم کردار ادا کیا۔
