اسپاٹ فکسنگ اسکینڈل میں ملوث کرکٹر شرجیل خان نے پی سی بی سے رابطہ کرلیا۔ سزا یافتہ کھلاڑی نے کرکٹ میں واپسی کے لیے بورڈ سے ری ہیب پروگرام مانگ لیا۔

کرکٹر شرجیل خان نے ری ہیب پروگرام کے لیے پی سی بی کو خط لکھا دیا۔ کھلاڑی نے کرکٹ میں واپسی کے لیے بورڈ سے روڈ میپ مانگا ہے۔

پی ایس ایل اسپاٹ فکسنگ کیس میں شرجیل خان کی سزا دس اگست کو ختم ہو رہی ہے ترجمان پی سی بی کا کہنا ہے کہ قواعد کے مطابق سیکورٹی اینڈ ویجیلنس ڈیپارٹمنٹ شرجیل خان سے رابطہ کرے گا جس میں کرکٹر کو جلد ہی ری ہیب پروگرام فراہم کر دیا جائے گا۔ ری ہیب پروگرام مکمل کرنے کے بعد شرجیل خان کو کرکٹ کھیلنے کی اجازت ہوگی۔

شرجیل خان اس سے قبل دو بار زبانی ری ہیب پروگرام کا کہہ چکے ہیں شرجیل خان کو کرکٹ میں واپسی کے لیے قوم سے معافی بھی مانگنی ہوگی۔ اسپاٹ فکسنگ کا جرم ثابت ہونے پر شرجیل خان کو ڈھائی سال کی سزا سنائی گئی تھی۔