کراچی: پاکستان میں سیکورٹی اور دیگر انتظامات کا جائزہ لینے کیلئے سری لنکا کرکٹ کا چار رکنی وفد کراچی پہنچ گیا، وفد کو کل سیکیورٹی انتظامات پر بریفنگ دی جائے گی۔
ٹیسٹ سیریز کیلئے سری لنکا کا دورہ پاکستان، مہمان ملک کا چار رکنی سیکورٹی وفد کراچی پہنچ گیا۔
وفد کی سربراہی موہن ڈی سلوا کررہے ہیں، وفد کا استقبال پی سی بی ڈائریکٹر انٹرنیشنل ذاکر خان نے کیا۔
وفد بدھ کے روز نیشنل اسٹیڈیم کراچی کا دورہ کرے گا اور انتظامات کا جائزہ لے گا، ساتھ ہی آئی جی سندھ آفس میں بریفنگ بھی دی جائے گا۔
سیکیورٹی وفد جعمرات کو لاہور بھی جائے گا، وفد کی رپورٹ کی روشنی میں سری لنکن بورڈ دورے کا فیصلہ کرے گا۔
