اسلام آباد: مودی سرکار کی جانب سے کشمیر کی خودمختار حیثیت کو ختم کیے جانے کے فیصلے پر مایہ ناز پاکستانی کرکٹر شاہد آفریدی کی جانب سے ردعمل دیا گیا ہے۔ شاہد آفریدی نے اس حوالے سے سماجی رابطوں کی ویب سائٹ ٹوئٹر پر خصوصی پیغام جاری کیا ہے۔ مقبوضہ کشمیر کی خودمختاری ختم کرنے کے معاملے پر شاہد آفریدی کے بھرپور ردعمل نے ہندوستانیوں کے تن بدن میں آگ لگا دی ہے۔ قومی ٹیم کے سابق کپتان کا کہنا ہے کہ اقوام متحدہ کی قراردادوں کی روشنی میں کشمیریوں کو آزادی کا حق ملنا چاہیئے، اقوام متحدہ کیوں سو رہا ہے؟ امریکی صدر کو فوری اس مسئلے کے حل کیلئے کردار ادا کرنا چاہیئے۔ شاہد آفریدی نے اپنے پیغام میں اقوام متحدہ سے اپیل کی ہے کہ وہ خواب غفلت سے بیدار ہو اور کشمیریوں کو آزادی کا حق دلوائے۔ Kashmiris must be given their due rights as per #UN resolution. The rights of Freedom like all of us. Why was @UN created & why is it sleeping? The unprovoked aggression & crimes being committed in Kashmir against #Humanity must be noted. The @POTUS must play his role to mediate — Shahid Afridi (@SAfridiOfficial) August 5, 2019 شاہد آفریدی نے کہا ہے کہ آزادی کشمیریوں کا حق اور انہیں ان کا حق ضرور ملنا چاہیئے۔ شاہد آفریدی نے امریکی صدر ڈونلڈ ٹرمپ سے اپیل کی ہے کہ وہ اس مسئلے کے حل کیلئے اپنا کردار ادا کریں۔ واضح رہے کہ بھارت نے آئین میں کشمیر کی خصوصی حیثیت ختم کر دی۔ بھارت کے صدر سے کشمیر سے متعلق 4 نکاتی ترامیم پر دستخط کیے جس کے بعد اس حوالے سے صدارتی حکم نامہ بھی جاری کر دیا گیا۔
