نواب شاہ: قاضی احمد کے گاؤں مٹھومری کے تین نوجوانوں کو لڑکی نے جھانسا دے کر مبینہ طور پر کشمور سے اغواء کرلیا۔
محبوب جونیجو ڈاکوؤں کی ساتھی لڑکی کے فون آنے کے بعد اپنے دیگر دو کزنوں ضمیر جونیجو، ارشد جونیجو کے ہمراہ لڑکی سے ملاقات کیلئے گیا، جس کے بعد سے تینوں مغویوں کے موبائل فون بند ہیں۔
پولیس کے مطابق ڈاکوؤں کی تاوان طلب کرنے والی فون کال کشمور کے علاقے سے ٹریس ہوئی ہے، جبکہ اہلخانہ کے مطابق ڈاکوؤں نے تینوں مغویوں کی رہائی کیلئے تیس لاکھ روپے تاوان طلب کیا ہے۔
