پنجاب کے سرکاری سکولوں میں بچے سکول چھوڑنے لگے۔ محکمہ تعلیم پنجاب نے 33 اضلاع میں ڈراپ آؤٹ اور ابتر نتائج والے 180 سکولوں کی لسٹ جاری کر دی ہے جس کے مطابق سب سے ڈراپ آؤٹ کی شرح ضلع نارووال میں رہی، جہاں کے 20 سرکاری سکولوں میں ڈراپ آؤٹ 50 فیصد سے بھی زیادہ رہا۔

ضلع راولپنڈی کے 14، سیالکوٹ کے 12، قصور کے 11 اور لاہور کے 8 سکول بھی اس لسٹ میں شامل ہیں۔ ڈراپ آوٹ کی شرح میں اضافے کا میٹرک کے نتائج پر بھی منفی اثر پڑا اور 82 سکولوں میں میٹرک کے نتائج بھی ابتر رہے۔ محکمہ تعلیم نے ڈراپ آؤٹ کی وجوہات جاننے کیلئے سکول سربراہان کو طلب کر لیا ہے۔