بھارتی کرکٹ ٹیم کے سابق کپتان مہندرا سنگھ دھونی کشمیر پہنچ گئے جہاں وہ اعزازی لیفٹیننٹ کرنل کے طور پر بھارتی فوجیوں کے ساتھ گارڈ کے فرائض انجام دیں گے۔

مہندرا سنگھ دھونی نے نئی اننگز کا آغاز کردیا لیکن اس بار کرکٹ کےمیدان میں نہیں بلکہ سرحد پر بھارتی فوج کےساتھ۔

دھونی وکٹر فورس کا حصہ بن کر مقبوضہ کشمیر کی وادیوں اور پہاڑوں میں گشت کرنےکو تیارہیں۔

دھونی علاقائی آرمی یونٹ پیرا شوٹ رجمنٹ میں اعزازی لیفٹیننٹ کرنل ہیں، وہ کشمیر میں گارڈ کے فرائض انجام دینے کے ساتھ پندرہ روز تک فوجیوں کے ساتھ قیام کریں گے۔

دھونی سے قبل کئی بھارتی کرکٹرز فوج میں خدمات انجام دے چکے ہیں جس میں سچن ٹنڈولکر بھی شامل ہیں۔