یورپیئن ٹی ٹین لیگ میں رومانیہ کے کلج کرکٹ کلب کے بولر پاویل فلورین کا منفرد انداز سب کی توجہ کا مرکز بن گیا، بولنگ ایکشن کی ویڈیو وائرل ہوگئی۔ بدنام اگر ہوں گے تو کیا نام نہ ہوگا، رومانیہ سے پانچ سو کلومیٹر کا سفر طے کرکے یورپیئن ٹی ٹین لیگ کیلئے اسپین پہنچنے والے پاویل فلورین کے بولنگ ایکشن پران کا مذاق اڑایا گیا لیکن اسی ایکشن نے انہیں ہیرو بنادیا۔ پاویل کے بولنگ ایکشن پر تبصرے ہوئے اور ان کی ویڈیو سوشل میڈیا پر وائرل ہوگئی۔ Ladies and gentlemen ... welcome to the #EuropeanCricketLeague — Fox Cricket (@FoxCricket) July 30, 2019 پاویل کہتے ہیں کہ وہ پروفیشنل کرکٹر نہیں ہیں، بہت سے لوگوں کی نظرمیں ان کا بولنگ ایکشن دلکش اور موثر نہیں لیکن انہیں اس کی پرواہ نہیں کیونکہ وہ کرکٹ سے پیار کرتے ہیں۔ سابق آسٹریلوی اسپنر شین وارن اور سابق کوچ ڈیرن لیہمن نے پاویل کا ایکشن بہتر بنانے کیلئے انہیں مدد کی پیشکش کردی۔
