ان کا کہنا تھا کہ  کل انکی آہ بکا اور فریادیں سن رہے تھے،آرگنائز کرمنل مافیہ کی داستان بھی کل کابینہ میٹنگ میں چیئرمین پی آئی اے نے بیان کی۔

فردوس عاشق اعوان نے کہا کہ  کیبنٹ کے سامنے شرمناک انکشافات لائے گئے، 2018 تک سابقہ حکمرانوں نے پی آئی اے کو چنگچی کے طور پر استعمال کیا۔

انہوں نے کہا کہ نیشنل کیرئیر کو پرسنل کیرئیر میں تبدیل کیا،پی آئی اے کے پائلٹ انکے ذاتی ڈرائیوز کی طرح ڈیوٹی انجام دیتے رہے،  21 بار پی آئی اے کی فلائٹس کو ری روٹ کیا گیا۔

ان کا کہنا تھا کہ بھٹو زندہ ہے کا نعرہ لگانے کیلئے پی آئی اے بے دردری سے سکھر کی جانب رخ کرتی رہی،کل مختلف اداکار قوم کے درد میں نڈھال نظر آرہے تھے۔

فردوس عاشق اعوان کا کہنا تھا کہ  دہی بھلے کھانے کا بل قوم نے 27 کروڑ روپوں کی شکل میں ادا کیا،ممنون حسین کے دھلی بھلے کے بل کی قیمت قوم نے چکائی۔

فردوس عاشق اعوان کا کہنا تھا کہ  یہ بھرتیاں، پیپلزیونٹی اور ائیرلیگز جیسی یونین کی پشت پناہی سے کی گئیں، غیرمجاز افراد وہاں بیٹھ کر بورڈنگ پاسز کا اجراء کرتے رہے،پی آئی اے کے 33 دفاتر یونین کے قبضے میں تھے۔