WTF !!

— Michael Vaughan (@MichaelVaughan) July 24, 2019

مائیکل وان کی اس ٹویٹ پر متعدد سوشل میڈیا صارفین نے اپنی اپنی رائے کا اظہار کیا، کسی نے کہا کہ جب غیر ملکی کھلاڑی اس ٹیم سے باہر جائیں تو یہ حال ہوتا ہے جبکہ کوئی یہ کہتا نظر آیا کہ کیا انگلش ٹیم نے اس بار باؤنڈریز کم لگائی ہیں؟

ایک صارف نے یہ بھی کہا کہ یہ ورلڈکپ نہیں ہے تو بار چیٹنگ نہیں۔

انگلینڈ اور آئرلینڈ کے درمیان کھیلے جارہے واحد ٹیسٹ میچ میں انگلش ٹیم ٹاس جیت کر پہلے بیٹنگ کرتے ہوئے محض 85 رنز پر ڈھیر ہوگئی۔

تفصیلات کے مطابق لارڈز میں کھیلے جارہے ٹیسٹ میچ کا ٹاس انگلش کپتان جوئے روٹ نے جیتا اور پہلے خود بیٹنگ کرنے کا فیصلہ کیا۔

انگلش ٹیم کی پہلی وکٹ 8 رنز جبکہ دوسری 36 رنز پر گری تاہم اس کے بعد وکٹوں کی لائن لگ گئی اور 43 رنز تک پہنچتے پہنچتے 7 کھلاڑی آؤٹ ہوگئے۔

اولے اسٹون کے 19 اور سیم کُرن کے 18 رنز کی بدولت انگلش ٹیم 85 رنز تک پہنچنے میں کامیاب ہوئی۔

آئرلینڈ کی جانب سے مُرتغ نے تباہ کن بولنگ کا مظاہرہ کرتے ہوئے 5، اڈیر نے 3 اور رینکن نے 2 وکٹیں حاصل کیں۔

انگلینڈ کی جانب سے جونی بیرسٹو، معین علی اور کرس ووکس کھاتہ بھی نہ کھول سکے۔ اس کے علاوہ جوئے ڈینلی نے 23، برنس نے 6، روئے نے 5 براڈ نے 3 اور کپتان روٹ نے 2 رنز بنائے۔