کولمبو: پاکستان نے روایتی حریف بھارت کو پچھاڑ کر ویسٹ ایشیا بیس بال کپ کے فائنل میں جگہ بنالی۔

کولمبو میں چودھواں ویسٹ ایشیا بیس بال کپ کھیلا جارہا ہے جہاں پاکستان کی شاندار کارکردگی کا سلسلہ جاری ہے۔

پاکستان نے سات اننگز کے مقابلے میں تیرہ دو کے اسکور سے فتح سمیٹ کر سیمی فائنل میں روایتی حریف بھارت کو دھول چٹائی۔

ایونٹ کا فائنل ہفتے کو کھیلا جائے گا، جس میں پاکستان کا مقابلہ میزبان اور دفاعی چیمپئن سری لنکا سے ہوگا۔