بولی وڈ کے 'بھائی جان' سلمان خان اپنی نئی آنے والی فلم 'دبنگ تھری' میں ایک اور اداکارہ کو متعارف کروانے جارہے ہیں۔
غیرملکی میڈیا رپورٹس کے مطابق سلمان خان اپنی نئی آنے والی فلم 'دبنگ تھری' میں ایک اور نیا چہرہ متعارف کروانے جارہے ہیں، اداکارہ سوناکشی سنہا تو مرکزی کردار میں نظر آئیں گی ہی ساتھ اداکار منیش مانجریکر کی چھوٹی بیٹی بھی فلم کا حصہ ہوں گی۔
دبنگ خان ساتھی اداکار اور اپنے دوست منیش مانجریکر کی چھوٹی بیٹی سئی کے ساتھ فلم میں رومانس کرتے ہوئے نظر آئیں گے۔
اس سے قبل اداکار منیش مانجریکر کی بڑی بیٹی اشوامی سے متعلق فلم میں انٹری کا زکر کیا جارہا تھا تاہم اب یہ اطلاعات آرہی ہیں کہ فلم میں اشوامی تو نہیں مگر ان کی چھوٹی بہن سئی نے ضرور جگہ بنالی ہے۔
واضح رہے اداکار ارباز خان کے بیٹے اور سلمان خان کے بھتیجے 16 سالہ آرہان خان بھی اس فلم کے ذریعے اپنے بولی وڈ کیریئر کا آغاز کررہے ہیں لیکن وہ اداکاری نہیں بلکہ ہدایت کاری کے شعبے میں اپنی قسمت آزما رہے ہیں۔
ذیل میں سئی مانجریکر کی چند تصاویر ملاحظہ کریں۔
