کیوی ٹیم کے ہیڈ کوچ گیری اسٹیڈ کہتے ہیں کہ پہلے ٹائی اور سوپر اوور میں بھی ٹائی ہونے پر دونوں ٹیموں کو مشترکہ فاتح قراردیا جانا چاہیئے تھا۔
دوسری جانب انگلش بورڈ کے ڈائريکٹر ايشلے جائلز کہتے ہيں کسی تنازع کی پروا نہیں، ہم چیمپئن ہیں جبکہ آئی سی سی نے چھ رنز دینے کی ذمہ داری امپائرز پر ڈال دی۔
ورلڈکپ دو ہزار انیس کا فائنل پہلے اوور تھرو تنازع اور پھر سپر اوور میں نیوزی لینڈ کوشکست کے معاملے پر کیوی ہیڈ کوچ گیری اسٹیڈ مایوس ہوگئے۔
ان کا کہنا ہے کہ بہتر آپشن یہی تھا کہ دونوں ٹیموں کومشترکہ فاتح قرار دیا جاتا۔
سپر اوور پر بھی انگلی اُٹھائی کہا ون ڈے میچ کا فیصلہ چھ گیندوں پر کرنا سمجھ سے بالاتر ہے۔
انگلش بورڈ کے ڈائریکٹر کرکٹ نے سب کو شٹ اپ کال دیدی۔ ایشلے جائلز نے کہا کسی چیز کی پرواہ نہیں، ورلڈ چيمپيئن اب ہم ہیں۔
آئی سی سی نے ذمہ داری امپائرز پر ڈال دی اور کہا کہ فیلڈ امپائرز نے صورتحال دیکھ کر چھ رنز دیئے اب مزید کمنٹ نہیں کریں گے۔
