نیب کی جانب سے جاری اعلامیہ کے مطابق چیئرمین نیب کا کہنا ہے کہ مقدمات کی موثر پیروی سے جیتنے کا تناسب 70 فیصد تک پہنچ گیا ہے ، مقدمات کی پیری کے لئے تجربہ کار پراسیکیوٹرز کی خدمات حاصل کی گئی ہیں ۔

انہوں نے  کہا کہ نیب نے تحقیقاتی اداروں پر مشتمل مشترکہ تحقیقاتی ٹیمیں بنانے کا آغاز کیا، مشترکہ ٹیموں کا مقصد سینئر افسران کے تجربات سے فائدہ اٹھانا ہے، نیب ہیڈ کوارٹر میں 50 ہزار کتابوں پر مشتمل ای لائبریری کے انعقاد کا بتاتے ہوئے چیئرمین نیب نے کہا کہ ای لائبریری مستقبل میں پراسیکیوٹرز کے لئے فائدہ مند ثابت ہو گی ۔ نیب شفافیت پر یقین رکھتا ہے ، میگا کرپشن کیسز ایک چیلنج ہیں ، کرپشن کے کیسز کومنطقی انجام تک پہنچانے کے لئے دگنی کوشش کر رہے ہیں۔

چیئرمین نیب کا کہنا تھا کہ سارک ممالک میں پاکستان کوکرپشن کے خاتمے کے حوالے سے  رول ماڈل بنانا چاہتے ہیں۔ پاکستان کا سارک ممالک میں انسداد بدعنوانی فورم کا چئیرمین بننا ہمارے لیے  اعزازکی بات ہے ۔