بھارت اور نیوزی لینڈ کے درمیان کھیلے گئے عالمی کپ 2019 کے پہلے سیمی فائنل میں کیویز نے بھارتی سورماؤں کو دھول چٹا کر فائنل میں رسائی حاصل کی تو یہ ہار بھارتیوں کو ہضم نہ ہوئی اور میڈیا سمیت وہاں کی عوام نے خوب واویلا مچایا۔ ایک جانب تو یہ صورتحال دوسری جانب آئی سی سی کے ایک ٹویٹ نے جلے پر نمک کا کام کیا اور بھارتیوں کو مزید مرچیں لگادیں۔ آئی سی سی نے گپٹل کی شاندار فیلڈنگ کی بدولت رن آؤٹ ہونے والے دھونی کی ویڈیو شیئر کرتے ہوئے اس پر 'ہسٹا لا وِسٹا' کی کیپشن درج کی۔ جس کا مطلب 'گُڈ بائے، سی یو لیٹر' ہوتا ہے۔ Hasta la vista, Dhoni 🎯 #CWC19 pic.twitter.com/TWxbKULjCQ — ICC (@ICC) July 10, 2019 آئی سی سی کی اس ٹویٹ پر بھارتی میڈیا نے خوب واویلا مچایا اور موقف اپنایا کہ 'کیا اس ٹورنامنٹ کے آفیشل منتظمین کی جانب سے اس طرح کی فیئرویل ٹویٹ کرنا ٹھیک ہے؟ حالانکہ دھونی نے اب تک باضابطہ طور پر ریٹائرمنٹ کا اعلان بھی نہیں کیا ہے'؟ .@ICC posts @msdhoni's run out video with tweet 'Hasta La Vista, Dhoni'. Fans call the sendoff 'insensitive'. More details by @karishmasingh22. | #DhoniSendOffTweet pic.twitter.com/BT2wUnNf9P — TIMES NOW (@TimesNow) July 12, 2019 خیر ایک جانب بھارتی میڈیا جبکہ دوسری جانب پاکستانی کھلاڑیوں کے بڑے دل کا اندازہ اس بات سے لگایا جاسکتا ہے کہ بنگلادیش کے خلاف کھیلے گئے آخری ورلڈکپ میچ میں پاکستان کے محمد حفیظ کے ہاتھ سے گیند چھوٹی تھی جس پر بلے باز نے چوکا مارا تھا۔ When your bowling coach tells you to "give it some flight" 😂@MHafeez22 🙈 #CWC19 pic.twitter.com/85QDLoaLCb — ICC (@ICC) July 5, 2019 آئی سی سی کے آفیشل اکاؤنٹ کی جانب سے محمد حفیظ کی اس گیند کا بھی مذاق بنایا گیا تھا مگر پاکستانی میڈیا تو دور کی بات خود محمد حفیظ نے بھی معاملے کو مذاق میں لیا اور ہنستے ہوئے اپنا ردعمل دیا۔
