آئی سی سی قوانین کے مطابق اگر آج کیویز اور بھارت کے درمیان کھیلا جارہا پہلا سیمی فائنل دوبارہ شروع نہ ہوسکا تو کل اس میچ کو دوبارہ یہیں سے شروع کیا جائے گا، کیونکہ سیمی فائنل اور فائنل کے لئے ایک دن اضافی رکھا گیا ہے۔

لیکن اب سوال یہ جنم لیتا ہے کہ آج کی طرح کل بھی مسلسل بارش جاری رہے تو پھر کیا کِیا جائے گا؟ تو آپ کو بتاتے چلیں کہ اگر کل بھی اسی طرح بارش کا سلسلہ جاری رہا یا میچ ٹائی یوا تو سپر اوور کے ذریعے میچ کا فیصلہ کیا جائے گا۔

اگر سپر اوور بھی ممکن نہ ہوسکا تو دیکھا جائے گا کہ لیگ اسٹیج میں کس ٹیم کے پوائنٹس زیادہ تھے یعنی اگر مسلسل بارش جاری رہی اور میچ کا نتیجہ ممکن نہ ہوا تو لیگ اسٹیج میں ٹاپ کرنے والی بھارتی ٹیم فائنل کیلئے کوالیفائی کر جائے گی جبکہ کیویز ٹورنامنٹ سے باہر ہوجائیں گے۔

اس کے علاوہ اگر فائنل معرکے میں بھی یہی صورتحال رہی اور 2 دن مسلسل بارش جاری رہی تو دونوں فائنلسٹ ٹیمیں آپس میں ورلڈکپ ٹائٹل کو شیئر کریں گی۔

واضح رہے جب کھیل کو بارش کے باعث روکا گیا تو کیوی ٹیم ٹاس جیت کر پہلے بیٹنگ کرتے ہوئے 46 اعشاریہ 1 اوور میں 5 وکٹوں کے نقصان پر 211 رنز بناچکی تھے۔

کیویز کی جانب سے روس ٹیلر 67 اور ٹام لیتھم 3 رنز بناکر وکٹ پر موجود تھے۔

اس کے علاوہ کپتان کین ولیمسن 67، ہینری نکلس 28، ڈی گرینڈہوم 16، جمی نیشم 12 اور مارٹن گپٹل ایک رنز بناکر آؤٹ ہوئے تھے۔

بھارت کی جانب سے بھونیشور، بھمرا، پانڈیا، جڈیجہ اور چاہل تمام ہی گیند بازوں نے ایک ایک وکٹ حاصل کررکھی ہے۔