گزشتہ روز بنگلادیش کو 94 رنز سے شکست دینے کے باوجو پاکستانی ٹیم عالمی کپ 2019 کے سیمی فائنل میں جگہ نہ بناسکی۔ بنگلادیش کیخلاف کھیلا گیا میچ عالمی کپ میں قومی ٹیم کا آخری میچ ثابت ہوا جبکہ آل راؤنڈر شعیب ملک کے کیریئر کا اختتام بھی ہوگیا۔ شعیب ملک عالمی کپ میں آخری میچ کیلئے پاکستان کی پلیئنگ الیون کا حصہ تو نہیں تھے مگر انہوں نے میچ کے بعد پریس کانفرنس میں اپنی ریٹائرمنٹ کا اعلان کردیا۔ شعیب ملک کی جانب سے ریٹائرمنٹ کے اعلان کے بعد ان کی اہلیہ بھارتی ٹینس اسٹار ثانیہ مرزا نے بھی اپنے ردعمل کا اظہار کردیا ہے۔ انہوں نے مائیکروبلاگنگ ویب سائٹ ٹویٹر پر ٹویٹ کرتے ہوئے لکھا کہ 'ہر کہانی کا ایک اختتام ہوتا ہے، لیکن زندگی میں ہر اختتام ایک نیا آغاز ہے۔ آپ نے 20 سال تک فخر کے ساتھ اپنے ملک کے لئے کھیلا۔ آپ نے جو کچھ بھی حاصل کیا، مجھے اور اذہان کو اس پر فخر ہے'۔ ‘Every story has an end, but in life every ending is a new beginning’ @realshoaibmalik 🙃 u have proudly played for your country for 20 years and u continue to do so with so much honour and humility..Izhaan and I are so proud of everything you have achieved but also for who u r❤️ — Sania Mirza (@MirzaSania) July 5, 2019 واضح رہے شعیب ملک نے گزشتہ روز ریٹائرمنٹ کا اعلان کرتے ہوئے کہا تھا کہ اب وہ اپنے اہلخانہ کو زیادہ وقت دے پائیں گے اور ٹی ٹوینٹی پر توجہ مرکوز کریں گے۔
