کپتان سرفراز احمد نے کہا ہے کہ جیت کا سہرا عماد وسیم کے سر ہے کیونکہ جس طرح سے انہوں نے بیٹنگ کی اور دباؤ کا سامنا کیا، وہ تعریف کے مستحق ہیں۔
سرفراز نے اس حوالے سے مزید بات کرتے ہوئے بتایا کہ اس پچ پر ہدف کو حاصل کرنا آسان نہیں تھا اور افغان بولرز نے بھی گراونڈ کی کنڈیشنز کو اپنے لئے اچھا استعمال کیا۔
قومی کپتان نے مزید کہا کہ مڈل پر ضرورت کے وقت ٹیم کو ایک پارٹنر شپ نہیں مل سکی تاہم یہ ہم نے اختتام میں حاصل کی۔
انہوں نے کامیابی کو ٹیم کی کوششوں کو نتیجہ قرار دیتے ہوئے کہا کہ ورلڈ کپ کھیلنا آسان نہیں ہے اسکے لئے پوری ٹیم کی کارکردگی کی ضرورت ہوتی ہے۔
اس موقعے پر انہوں نے شاہین آفریدی کا بھی تذکرہ کیا اور کہا کہ ان کی پرفارمنس میں روز بروز بہتری آرہی ہےجبکہ دیگر بولرز بھی اچھی کارکردگی دکھا رہے ہیں۔
بھارت اور انگلینڈ سے متعلق انہوں نے کہا کہ وہ امید کرتے ہیں دونوں میں سے بہتر ٹیم کامیابی حاصل کرے گی۔
