پاکستان اور افغانستان کے مداحوں کے درمیان جھڑپ کے بعد آئی سی سی نے اپنا ردعمل جاری کرتے ہوئے کہا ہے کہ حکام بعض مداحوں کے درمیان تنازعے سے آگاہ ہیں اور اس حوالے سے وینیو کی سیکیورٹی اور مقامی پولیس کے ساتھ اقدامات اٹھائے جارہے ہیں تاکہ آئندہ ایسے واقعات رونما نہ ہوں۔
بیان میں مزید کہا گیا ہے کہ اس طرز کا رویہ کسی صورت برداشت نہیں کیا جائے گا اور وہ عناصر جو کہ مداحوں کی تفریح کو خراب کرنے کی مذموم کوشش کرتے ہیں ان کیخلاف مناسب کارروائی بھی کی جائیگی۔
بیان میں مزید کہا گیا ہے کہ آئی سی سی ورلڈ کپ کے حوالے سے کسی بھی قسم کے سیاسی پیغامات کو بھی برداشت نہیں کیا جائے گا اور اس معاملے سے نمٹنے کیلئے مقامی پولیس کے ساتھ کام کیا جائے گا تاکہ معلوم کیا جاسکے ایسا کیوں ہوا اور اس بات کو یقینی بنایا جاسکے کہ ایسا آئندہ نہ ہو۔
واقعے کی ویڈیو ملاحظہ کریں۔
واضح رہے پاکستان اور افغانستان کے درمیان جاری ورلڈکپ میچ میں میدان کے باہر افغانی اور پاکستانی شائقین آپس میں الجھ پڑے تھے، جہاں لاتوں گھونسوں اور ڈنڈوں کا آزادانہ استعمال ہوا تھا۔
