٭ 1992 میں ویسٹ انڈیز کے خلاف پہلے میچ میں پاکستان کو شکست ہوئی تھی۔

٭ 2019 میں بھی پاکستان کو ویسٹ انڈیز کے ہاتھوں شکست کا سامنا کرنا پڑا۔

٭ 1992 میں بھی پاکستان نے پہلے بیٹنگ کی تھی اور 2019 میں بھی گرین شرٹس نے پہلے باری لی۔

دوسرا میچ

٭ 1992 میں پاکستان نے دوسرے میچ میں زمبابوے کو شکست دی تھی۔

٭ 2019 میں بھی پاکستان نے انگلینڈ کے خلاف فتح سمیٹی۔

٭ 1992 میں بھی پاکستان نے پہلے بیٹنگ کرتے ہوئے فتح سمیٹی تھی اور 2019 میں بھی شاہینوں نے پہلے بیٹنگ کرکے جیت اپنے نام کی۔

تیسرا میچ

٭ 1992 میں انگلینڈ کیخلاف پاکستان کا تیسرا میچ بارش کی نذر ہوا تھا۔

٭ 2019 میں بھی سری لنکا کیخلاف پاکستان کا میچ بارش کی نذر ہوا۔

چوتھا میچ

٭ 1992 میں پاکستان کو چوتھے میچ میں بھارت سے شکست ہوئی تھی۔

٭ 2019 میں بھی پاکستان کو آسٹریلیا کے ہاتھوں شکست کا سامنا کرنا پڑا۔

٭ 1992 میں بھارت نے پہلے بیٹنگ کرتے ہوئے پاکستان کو 43 رنز سے ہرایا جبکہ 2019 میں کینگروز کے ہاتھوں شاہینوں کو 41 رنز سے شکست ہوئی۔

پانچواں میچ

٭ 1992 میں جنوبی افریقہ نے پانچویں میچ میں گرین شرٹس کو شکست کا مزہ چکھایا۔

٭ 2019 میں بھارت نے پاکستان کیخلاف فتح سمیٹی۔

٭ 1992 میں پاکستان ہدف کے حصول میں ناکام رہا تھا جبکہ 2019 میں بھی بھارت کیخلاف ایسا ہی ہوا۔

چھٹا میچ

٭ 1992 میں پاکستان نے چھٹے میچ میں آسٹریلیا کو 48 رنز سے شکست دی تھی۔

٭ 2019 میں بھی پاکستان نے جنوبی افریقہ کو 49 رنز سے ہرایا۔

٭ 1992 میں پاکستان نے پہلے بیٹنگ کرتے ہوئے فتح سمیٹی تھی اور 2019 میں بھی شاہینوں نے پہلے بیٹنگ کرکے جیت اپنے نام کی۔

ساتواں میچ

٭ 1992 میں بھی پاکستان ساتویں میچ میں ہدف حاصل کیا تھا اور رمیز راجہ نے سینچری بنائی تھی۔

٭ 2019 میں بھی پاکستان نے ہدف حاصل کرتے ہوئے فتح سمیٹی، بابر اعظم نے سینچری بنائی۔

٭ 1992 میں پاکستان نے بعد میں بیٹنگ کی تھی اور 2019 میں بھی شاہینوں نے دوسری باری لے کر جیت اپنے نام کی۔

واضح رہے 1992 میں بھی 7 میچز کے بعد پاکستان کے 7 پوائنٹس تھے۔