واشنگٹن:امریکا نے ایران پر مزید اقتصادی پابندیاں عائد کردیں، لوہے،اسٹیل، المونیئم اور تانبے کی صنعت کو نشانہ بنایا گیا ۔
تفصیلات کے مطابق،ایران کی جوہری معاہدے سے جزوی دستبرداری کے بعد امریکا کاردعمل سامنے آگیا ۔
امریکا نے ایران پرمزید اقتصادی پابندیاں عائد کردیں،صدرڈونلڈ ٹرمپ پابندیوں کےحکم نامے پردستخط کردئیے ۔
وہائٹ ہاؤس کے مطابق ایران کی لوہے،اسٹیل، المونیئم اور تانبےکی صنعت پرپابندیاں عائد کی گئی ہیں ،جس کا مقصد انڈسٹریل مقاصد کیلئے ایرانی زرمبادلہ کو نشانہ بنانا ہے۔
وائٹ ہاؤس نے خبردار کیا کہ ایران نے اگر اپنا رویہ درست نہیں کیاتواسے مزید سخت اقدامات کا سامنا کرنا پڑے گا۔