کراچی: پاکستان سپر لیگ فور کے 28 ویں میچ میں کوئٹہ گلیڈی ایٹرز نے کراچی کنگز کے خلاف ٹاس جیت کر پہلے فیلڈنگ کا فیصلہ کیا ہے۔

نیشنل اسٹیڈیم کراچی میں کھیلے جا رہے میچ میں کوئٹہ کے کپتان سرفراز احمد نے ٹاس جیت کر پہلے کراچی کنگز کو بیٹنگ کی دعوت دی۔

سرفراز احمد کا ٹاس جیت کر کہنا تھا کہ نیشنل اسٹیڈیم کی وکٹ ہمیشہ سے ہی بیٹنگ کے لئے اچھی رہی ہے۔

کراچی کنگز کے بابر اعظم، کولن انگرام، عماد وسیم اور محمد عامر ایکشن میں دکھائی دیں گے جب کہ کوئٹہ گلیڈی ایٹرز کے شین واٹس، رائلی روسو، سرفراز احمد، عمر اکمل، احمد شہزاد اور محمد حسنین جادو جگانے کے لیے بے تاب ہیں۔

کراچی کنگز کے پاس دو میچز ہیں اور اسے اگلے مرحلے میں پہنچنے کے لیے ایک جیت درکار ہے جب کہ لاہور قلندرز کے پاس صرف ایک میچ ہے اور اس میں کامیابی بھی اسے اگلے مرحلے میں براہ راست نہیں پہنچا سکتی۔

https://www.dailymotion.com/video/x73wgvy