معروف برطانوی جریدے نے ایشیا کے 50 پرکشش ترین مرد شخصیات کی فہرست جاری کردی ہے ۔ برطانوی میگزین 'ایسٹرن آئی' نے ایشیا کے پرکشش ترین مردوں کی فہرست جاری کر دی ہے۔ اس فہرست میں پاکستانی اداکار و گلوکار علی ظفر آٹھویں نمبر پر ہیں اور اگر یہ بھی کہا جائے کہ وہ فہرست میں شامل پاکستان کے پر کشش مردوں میں پہلے نمبر پر ہیں۔ بی ٹی ایس جنوبی کوریا کے میوزیکل بینڈ 'بی ٹی ایس' میں شامل سات نوجوانوں کو ایشیا کے پرکشش ترین افراد قرار دیا گیا ہے جن کی وجہ شہرت نہ صرف ان کی آواز ہے بلکہ ان کی شکل و صورت بھی ہے۔ ووین دسینا بھارتی ٹی وی اداکار ووین دسینا ایشیا کے دوسرے پرکشش مرد قرار پائے۔ شاہد کپور بالی وڈ کے اداکار شاہد کپور ایشیا کے تیسرے پرکشش مرد بننے میں کامیاب ہوگئے۔ زین ملک متنازع بیانات کی وجہ سے خبروں کی زینت بننے والے پاکستانی نژاد برطانوی گلوکار زین ملک ایشیا کے چوتھے پرکشش مرد ہیں۔ ریتک روشن بالی وڈ اداکار ریتک روشن ایشیا کے پانچویں پرکشش مرد قرار پائے۔ محسن خان بھارتی ٹی وی اداکار محسن خان چھٹے نمبر پر ہیں۔ وہ متعدد بھارتی ڈراموں میں اداکاری کے جوہر دکھاچکے ہیں ۔ گرمیت چوہدری بھارتی ٹی وی کے ہی نوجوان اداکار گرمیت چوہدری ایشیا کے ساتویں پرکشش مرد قرار پائے۔ علی ظفر پاکستان کے وَرسٹائل گلوکار، اداکار و ماڈل علی ظفر اس فہرست میں آٹھویں نمبر پر ہیں۔ ویرات کوہلی بھارتی کرکٹ ٹیم کے کپتان ویرات کوہلی ایشیا کے پرکشش ترین مردوں کی فہرست میں نویں نمبر پر ہیں۔ اکشے کمار اس فہرست میں 10ویں نمبر پر بالی وڈ مشہور اداکار اکشے کمار ہیں۔
