عامر خان اور امیتابھ بچن نے حال ہی میں فلم ’ٹھگز آف ہندوستان‘میں کام کیا ہے،جو باکس آفس پر برے طریقے سے فلاپ ہوگئی ہے ۔ فلم کو بے حد تنقید کا سامنا کرنا پڑااور مسٹر پرفیکشنسٹ عامر خان اوربگ بی کا سوشل میڈیا پر مزاق بھی بنایا گیا۔ایسے میں بالی وڈ کے بادشاہ شاہ رخ خان نے کہا ہے کہ مجھے یہ باتیں بہت پریشان کرتی ہیں ۔ فلم اچھی بھی ہوسکتی ہے اور بری بھی۔ ہم میں سے کسی نے بھی کبھی یہ دعوی نہیں کیا ہے کہ ہم دنیا کی سب سے بہترین فلمیں بناتے ہیں۔امیتابھ بچن اور عامر خان ایسے اداکار ہین جوسنیما میں مسلسل اچھا کام کرکے اسے فروغ دے رہے ہیں۔کنگ خان نے کہا،’’امیتابھ بچن اور عامر خان نے بالی وڈ میں بہت سی سپر ہٹ فلمیں کی ہیں ۔ لیکن اگر ان کی ایک فلم لوگوں کی پسند نہیں آئی تو اس کا یہ مطلب نہیں ہے کہ انہوں نے اب تک فلم انڈسٹری کو جو دیا ہے اسے فراموش کردیا جائے۔دونوں ہی بہترین فن کار ہیں اور وہ پھر سے کچھ زبردست لے کر واپسی کریں گے لیکن لوگوں کو اس طرح کا ردعمل نہیں دینا چاہئے۔
