دپیکا اور رنویر کی شادی میں بالی وڈ سے کون کون شرکت کرے گا؟بالی وڈ کی نامور اور پسندیدہ جوڑی دپیکا پڈوکون اور رنویر سنگھ نے آئندہ ماہ شادی کی خوشخبری تو سب کو سنا ہی دی ہے لیکن اس شادی میں کون کون کرنے جارہا ہے شرکت اس کا سب کو انتظار ہے۔دپیکا اور رنویر نے 21 اکتوبر کو اپنی شادی کا باقاعدہ اعلان سوشل میڈیا پر دعوت نامہ پوسٹ کرکے کیا تھا۔بالی وڈ کی اس جوڑی کی شادی کا کارڈ انگریزی اور ہندی زبانوں میں تھا، جس میں شادی کی تاریخ 14 اور 15 نومبر 2018 درج ہے۔بھارتی میڈیا کے مطابق دپیکا اور رنویر اٹلی کی کومو جھیل پر شادی کے بندھن میں منسلک ہوں گے، جس میں صرف قریبی عزیز و اقارب شامل ہوں گے۔ذرائع کے مطابق یکم دسمبر کو ممبئی میں دپیکا اور رنویر کی شادی کی استقبالیہ تقریب کا انعقاد کیا جائے گا جس میں بالی وڈ کے نامور اداکار شرکت کریں گے۔انڈیا ٹوڈےکی رپورٹ کے مطابق اٹلی میں شادی کی تقریبات کے لیے دپیکا کی جانب سے شاہ رخ خان اور فرح خان جب کہ رنویر کی جانب سے سنجے لیلا بھنسالی اور ارجن کپور کی شرکت متوقع ہے۔ذرائع کے مطابق شاہ رخ خان اور فرح خان دپیکا پڈوکون کے بہت قریبی دوست ہیں کیونکہ ان کا ماننا ہے کہ بالی وڈ فلم کی دنیا میں ان دونوں کی وجہ سے ہی ان کا نام بنا ہے۔یاد رہے کہ دپیکا کی پہلی بالی وڈ فلم "اوم شانتی اوم" تھی جس میں انہوں نے کنگ خان کے ساتھ اداکاری کے جوہر دکھائے تھے جب کہ فلم کی ہدایت کار فرح خان تھی۔Source: Indiatoday
