پیاز اور لہسن کا شمار ان غذاؤں میں ہوتا ہے جو ہمارے کھانوں کو لذت تو فراہم کرتی ہیں مگر ساتھ ہی ان میں ایک تیز بو بھی ہوتی ہے جو سانس میں شامل ہوکر خاصا ناخوشگوار احساس پیدا کرتی ہے۔
اکثر افراد ان غذاؤں کو استعمال کرنے کے بعد اس بات سے پریشان ن ظر آتے ہیں کہ اس سے فوری کیسے چھٹکارا پایا جائے تو ایسے افراد کو اب پریشان ہونے کی ضرورت نہیں کیونکہ آج ہم آپ کو چند ایسے ٹوٹکے بتانے جارہے ہیں جن پر عمل پیرا ہوکر آپ فوراً اس ناخوشگوار مہک سے چھٹکارا حاصل کرسکتے ہیں۔
دودھ
ایک طبی جریدے میں شائع ہونے والی رپورٹ کے مطابق دودھ لہسن اور پیاز میں موجود بو پیدا کرنے والے کمپاؤنڈز کو نمایاں حد تک کم کرتا ہے۔ بازار میں ملنے والا کھلا دودھ اس بو کو مؤثر طریقے سے کم کرنے میں ملائی سے پاک دودھ کے مقابلے میں زیادہ مفید ہوتا ہے۔ بس ایک گلاس دودھ پئیں اور اس مہک کو بائے بائے کہیں۔
لیموں
لیموں میں ترش ایسڈ موجود ہوتا ہے جو منہ میں بس جانے والی مہک کو مار دیتا ہے۔ لیموں میں ایسی جراثیم کش خصوصیات ہوتی ہیں جو سانس میں بو کا باعث بننے والے بیکٹیریا کو ختم کرتا ہے۔ بس آپ ایک گلاس پانی میں لیموں کا عرق شامل کریں اور 2 سے 3 کلّیاں کریں۔
کھانے کا سوڈا
ایک چائے کا چمچ بیکنگ سوڈا لیں اور گرمی پانی میں چٹکی بھر نمک کے ساتھ مکس کریں۔ اس محلول سے کلیاں کریں بو غائب ہوجائے گی۔
چینی
چینی میں موجود اجزاء سانس میں بو پیدا کرنے والے بیکٹیریاز کے خاتمے کا باعث بنتے ہیں۔ بس چینی لیں اور چبانے سے قبل کچھ دیر ایسے ہی منہ میں کچھ دیر رکھ لیں۔
سیب
سیبوں میں موجود قدرتی انزائمے سلفر کمپاؤنڈ کو ٹکڑے کرکے پیاز یا لہسن سے ہونے والی سانس کی بو کے خلاف مقابلہ کرتے ہیں۔ لہسن یا پیاز کی بو سے چھٹکارے کے لئے سیب کا جوس پی لیں یا کھالیں۔
