آج ہم آپ کو ایسے پاکستانی اور بولی وڈ شوبز فنکاروں کے بارے میں بتانے جا رہے ہیں جو حافظ قرآن ہیں. جی ہاں! وہ مشہور فلمی اداکار جنہوں نے قرآن کریم حفظ کیا ہوا ہے اور آج کل ڈراموں اور فلموں میں کام کرتے دکھائی دیتے ہیں. کون ہیں یہ مشہور قرآن حفظ کرنے والے اداکار؟ ذیل میں جانئے۔

قادر خان

بولی وڈ انڈسٹری کے سنئیر اداکار قادر خان حافظ قرآن ہیں. انہوں نے کافی مشہور بالی ووڈ فلموں میں مزاحیہ کردار نبھائے. قادر خان آج کل اپنے بیٹوں کے ساتھ رہتے ہیں اور بڑھاپے کی وجہ سے وہ اپنی یاداشت کھو چکے ہیں اور چلنے پھرنے سے قاصر ہیں. ان کی صحت اس قدر خراب ہوچکی ہے کہ وہ چلنے پھرنے سے قاصر ہوگئے ہیں اور وہیل چیئر پر آگئے ہیں جب کہ انہیں بات چیت کرنے میں بھی مشکلات کا سامنا ہوتا ہے.

عمران ہاشمی

عمران ہاشمی کا نام سن کر آپ کو یقیناً جھٹکا ضرور لگا ہوگا لیکن سچ بات یہی ہے کہ اس بولی وڈ اداکار نے بھی قرآن پاک حفظ کیا ہوا ہے. رومانوی فلموں سے شہرت حاصل کرنے والے عمران ہاشمی مسلمان گھرانے سے تعلق رکھتے ہیں. ان کے والد ایک نیک شریف انسان ہیں جبکہ ان کی والدہ انٹرٹینمنٹ کی شوقین ہیں اور مہیش بھٹ کی بہن ہیں.

شفقت چیمہ

پاکستانی فلم انڈسٹری کا جانا مانا نام شفقت چیمہ صاحب بھی حافظ قرآن ہیں. انہوں نے کافی فلموں میں ولن کا کردار نبھایا ہے اور عوام میں خاصی مقبولیت رکھتے ہیں. اپنے حافظ قرآن ہونے کا انکشاف شفقت چیمہ صاحب نے خود ایک پروگرام میں کیا تھا.

سعود قاسمی

پاکستانی اداکار، فلم اسٹار، اور ڈرامہ پروڈیوسر سعود قاسمی نے بھی قرآن پاک حفظ کیا ہوا ہے. سعود کی شادی معروف پاکستانی اداکارہ اور مارننگ شو ہوسٹ جویریا سے ہوئی ہے. سعود کی تربیت ایک اچھے اسلامی گھرانے میں ہوئی اور انکے چچا قاری وحید ملک کے معروف نعت خواہ ہیں.

اسد ملک

معروف لولی وڈ اداکار اسد ملک حافظ قرآن ہیں. اسد کے بارے میں کہا جاتا ہے کہ یہ اخلاق کے بہت اچھے ہیں اور ہر کسی کے ساتھ نہایت عزت اور احترام سے پیش آتے ہیں.

پاکستانی کرکٹرز

ہماری قومی کرکٹ ٹیم سب سے خوش قسمت ٹیم ہے کیونکہ اس میں کچھ کھلاڑی ایسے ہیں جنہوں نے قرآن پاک اپنے دلوں میں محفوظ کیا ہوا ہے. ان کرکٹرز میں سرفراز احمد، محمد حفیظ اور سعید اجمل شامل ہیں.