ڈرامے سے بھرپور فلم'ورنہ' کے بعد پاکستان کی مشہور سپر اسٹار ماہرہ خان اپنی نئی فلم 'سات دن محبت اِن' کے ساتھ ایک بار پھر پاکستان فلم انڈسٹری میں قدم رکھنے جارہی ہیں۔ فلم میں ماہرہ خان کے ہمراہ شہریار منور مرکزی کردار میں دیکھے جائیں گے۔
فلم کاٹیزر اداکارہ نے اپنے ٹوئٹر اکاؤنٹ پر پوسٹ کیا جسے دیکھنے کے بعد مداح نے اپنی خوشی کا اظہار کیا اور ٹیم کو مبارکباد دی۔
ٹیزر میں دیکھا جاسکتا ہے کہ ماہرہ خان نیلی نام کا کردار نبھارہی ہیں جبکہ شہریار ٹیپو کا کردار نبھا رہے ہیں۔ پاکستان کے بہترین دوست اور کو اسٹار کے علاوہ فلم میں آمنہ الیاس غزالہ کا کردار نبھا رہی ہیں جبکہ میرا سیٹھی پرنسس سونو کا کردار نبھارہی ہیں اس کے علاوہ فلم میں تجربہ کار اداکارجاوید شیخ بھی شامل ہیں۔
مینو گور اور فرجاد نبی کی ہدایت میں بننے والی یہ فلم ماہرہ خان کیلئے ایک بڑا چیلنج ہوگا کیونکہ یہ ماہرہ خان کی پہلی کامیڈی فلم ہوگی جبکہ فلم کے ٹیزر سے صاف ظاہر ہوتا ہے کہ ماہرہ خان اپنے چیلنج پر پورا اتر چکی ہیں اور اسی وجہ سے مداحوں کو فلم ریلیز ہونے کا بےتابی سے انتظار ہے۔
فلم کا ٹیزر دیکھیں:
Join Tipu on this insane ride with all of us #7dinmohabbatin
A post shared by Mahira Khan (@mahirahkhan) on
واضح رہے کہ ماہرہ خان ، بولی وڈ میں شاہ رخ خان کے ہمراہ فلم 'ریئس ' میں اپنا ڈبیو کرچکی ہیں۔ اس کے علاوہ اداکارہ نے پاکستانی فلموں میں بھی بےحد کام کیا ہے ۔ ان کی مشہور فلموں میں، بول، بن روئے، منٹو، اور ہو من جاہا شامل ہیں۔
فلم'سات دن محبت اِن ' عیدالفطر کے موقع پر ریلیز کی جائے گی۔
بشکریہ: زی نیوز
