رنویر سنگھ آج کل زویا اختر کی فلم گلی بوئے کی شوٹنگ میں مصروف ہیں جس کی کہانی سڑکوں پر گھومنے والے لڑکوں کی زندگی پر مبنی ہے۔ اس کے علاوہ فلم میں رنویر سنگھ کے ساتھ عالیہ بھٹ بھی مرکزی کردار نبھارہی ہیں جبکہ فلم 14 فروری 2019 کو ریلیز کی جائے گی۔
اسی کے ساتھ ساتھ رنویر ٹی وی کمرشل کی شوٹنگ میں بھی مصروف دکھائی دے رہے ہیں البتہ حال ہی میں ایک شوٹ کے دوران انہوں نے اپنے انسٹاگرام اکاؤنٹ پر ایک پیاری سیلفی پوسٹ کی۔
سیلفی میں رنویر سنگھ کو ڈینم کی شرٹ پہنے اپنے مداحوں کو آنکھ مارتے ہوئے دیکھا گیا جو آپ کو باآسانی وائرل ہونے والی اداکارہ پریا پرکاش کی ویڈیو کی یاد دلا سکتی ہہے۔ اس سے قبل شاہد کپور بھی پریا کی آنکھ مارنے والی ادا کاپی کرچکے ہیں۔
جی ہاں! دیکھیں رنویر سنگھ کی سیلفی جس میں انہوں نے آنکھ مارنے کیلئے مشہور اداکارہ پریا پرکاش کو کاپی کیا ہے۔
واضح رہے کہ اپنے دلچسپ انداز کی وجہ سے مشہور اداکار رنویر سنگھ فلم'گلی بوئے' کے بعد آئندہ روہت شیتھی کی نئی فلم 'سمبا' اور کبیر خان کی فلم '83' جو کہ معروف کرکٹر کپل دیو کی زندگی پر مبنی ہے اس میں کام کرتے ہوئے دیکھے جائیں گے۔
