کراچی:کوئی بھی  اداکار اپنے پیشے کی وجہ سے اپنے آپ کو ہمیشہ فٹ اور خوبصورت رکھنے کی کوشش کرتاہے البتہ بعض اوقات وہ اچھے دکھنے کیلئے ایسی چیزوں کا یہ ایسی سرجری کا انتخاب کرتا ہے جس کی وجہ سے اسے نقصان اٹھانا پڑجاتا ہے۔

آپ نے  کئی دفعہ بولی وڈ  کے اسٹارز کی سرجری کی خبر سنی ہوگی جس میں سے کچھ سرجری کامیاب ہوجاتی ہیں تو کچھ ناکام لیکن یہ عمل صرف بولی وڈ تک ہی نہیں بلکہ لو لی وڈ میں بھی اسٹارز اچھے دکھنے کیلئے سرجری کا انتخاب کرتے ہیں بلکل اسی طرح  پاکستان کے  معروف اداکار ساجد حسن کو  ہیئر ٹرانسپلانٹ کروانا مہنگا پڑگیا۔

بشکریہ یوٹیوب چینل :آئی ٹی کے

اداکار کے مطابق ہیئر ٹرانسپلانٹ کا ڈاکٹر ان کے پیچھے 9 سال سے لگا ہوا تھا کہ اداکار یہ سرجری کروالے  البتہ  ساجد اس بات سے واقف نہ تھے کہ اس عمل کیلئے چند ٹیسٹ کروانے ضروری ہوتے ہیں ، نتیجے میں بغیر کوئی ٹیسٹ کیے ڈاکٹر نے ان کی سرجری جس کے باعث  اداکار کا سر بُری طرح زخمی ہوگیا اور بال بھی نہ آسکے۔