سنجے لیلا بھنسالی اور شاہ رخ خان اس سے پہلے ایک ساتھ 2002 کی فلم 'دیوداس 'میں کام کرچکے ہیں جس میں مرکزی کردار شاہ رخ ، ایشوریا رائے بچن اور مادھوری دکشٹ نبھارہی تھیں۔ 'دیوداس' ہندی فلموں میں سے ایک کامیاب پرانی فلم رہی۔
اس دن سے لے کر اب تک مداحوں کو انتظار ہے کہ وہ کب سنجے اور شاہ رخ کو ایک ساتھ دیکھے گے۔گزشتہ رپورٹ کے مطابق کچھ مہینے پہلے یہ خبر سننے کو ملی تھی کے سنجے لیلا مشہور بھارتی شاعر ساحر لوڈہیانوی کی زندگی پر مبنی پر ایک فلم بنا رہے ہیں جن میں مرکزی کردار شاہ رخ خان نبھائیں گے البتہ یہ خبر سچ نہ ہوسکی۔
حالیہ میڈیا رپورٹ کے مطابق سنجے لیلا اور شاہ رخ کو ایک ساتھ کام کرنے کیلئے ایک اچھی اسکرپٹ مل چکی ہے اور وہ اب اگلے سال ساتھ کام کرتے ہوئے دیکھے جاسکتےہیں۔
دلچسپ بات یہ ہے کہ پدماوتی کے ریلیز ہونے کے بعد بھنسالی نے اپنی نئی فلم کیلئے مرکزی اداکارہ کا کردار ادا کرنے کیلئے دپیکا پڈوکون کو چنا ہے اور اگر یہ حقیقت ہے تو مداح سنجے لیلا بھنسالی کی اس فلم میں دپیکا اور شاہ رخ کو ایک ساتھ دیکھنے کیلئے بے تابی سے انتظار کریں گے۔
واضح رہے کہ اس سے پہلے دونوں اسٹارز کو ایک ساتھ 2014 کی فلم'ہیپی نیو ایئر' میں دیکھا گیا تھا۔
بشکریہ: پنک ویلا
