ٹریپڈ

سال 2017 راج کمار راؤ کے لئے خاصہ لکی ثابت ہوا۔ ان کی فلموں 'بریلی کی بری' اور 'نیوٹن' نے بڑی کامیابیاں سمیٹیں لیکن وہیں ان کی ایک فلم فلم ٹریپڈ بری طرح ناکام رہی اور صرف 2.28 کروڑ روپے کماسکی۔

سرکار 3

اس فلم نے میگا اسٹار امیتابھ بچن کی شمولیت کے باوجود ناکامی کا منہ دیکھا۔ یہ مووی ریلیز سے اب تک محض 9.60 کروڑ روپے کماسکی۔

رننگ شادی

رننگ شادی سال 2017 کی ابتداء میں ریلیز ہوئی تاہم یہ اس قدر برے طریقے سے ناکام ہوئی کہ محض ایک کروڑ کا بزنس کرسکی۔

حرام خود

متنازعہ بننے کے باوجود نواز الدین صدیقی اور شویتا تریپاٹھی کی فلم کوئی خاطر خواہ کارکردگی نہ دکھا سکی۔ یہ فلم صرف 1.1 کروڑ روپے کما سکی۔

شیف

اس فلم کو پذیرائی تو ملی لیکن ابھی تک 6.25 کروڑ کا ہی بزنس کرسکی ہے۔

نور

سوناکشی سنہا کی مووی 'نور' بھی ناکامی کا شکار ہوئی۔ اس فلم کی ٹوٹل کلیکشن 7.5 کروڑ روپے رہی۔

میری پیاری بندو

اس فلم میں آیوشمن کھرانا اور پرینیتی چوپڑا نے مرکزی کردار ادا کیا۔ اس فلم کو بھی ناکامی کا سامنا رہا جس کی وجہ سے 9.50 کروڑ روپے کماسکی۔

بہن ہوگی تیری

شہرت حاصل کرنے کے باوجود فلم 'بہن ہوگی تیری' بھی بری طرح ناکام ہوئی، اس فلم کا شمار سال کی کم ترین کمائی کرنے والی فلموں میں ہوتا ہے۔ اس فلم کا ٹوٹل بزنس 2.25 کروڑ رہا۔

انارکلی آف آراہ

سوارا بھاسکر نے فلم 'انارکلی آف آراہ' سے واپسی کی لیکن اچھے ریویوز کے باوجود یہ فلم 1.10 کروڑ روپے بٹور سکی۔

حسینہ

ریلیز سے قبل اس فلم کے بارے میں خاصے چرچے سننے کو ملے لیکن باکس آفس پر کوئی خاص کارنامہ انجام نہ دے سکی۔ اس فلم نے کُل 6.85 کروڑ کا بزنس کیا۔