سلیبرٹی کیلئےشوٹنگ  پر ہلکی چوٹ لگ جانا ایک عام بات ہوتی ہے ۔ البتہ رپورٹ کے مطابق  جو حادثہ حال ہی میں بھارتی اداکار ارجن کپور کے ساتھ پیش آیا وہ یقیناً حیران کن تھا۔

ٹائمز آف انڈیا کی رپورٹ کے مطابق ارجن کپور  جو  اتاراکھنڈ میں اپنی نئی فلم'سندیپ اور پنکی فرار' کی شوٹنگ میں مصروف ہیں انہوں نے حال ہی میں اپنے مداح سے ملنے کا فیصلہ  کیا لیکن اس میں چونکا دینے  والی بات یہ ہے کہ جب وہ اپنے مداح سے ملنے پہنچے تو اس شخص نے شراب کے نشے میں  اداکار کے ساتھ بدتمیزی کرنے کی کوشش کی۔

رپورٹ کے مطابق ، وہ شخص ایک ڈرائیور تھا جسےبدتمیزی  کرنےکے بعد حراست میں لے لیا گیا۔

ڈرائیور  جب ارجن سے ہاتھ ملانے ان کی گاڑی تک پہنچےتواداکار نے بھی مداح کے جذبات کو ترجیح دیتے ہوئے  ہاتھ آگے بڑھایا لیکن ڈرائیور نے ان کا ہاتھ  ملاتے ہوئے موڑ دیا جس کے نتیجے میں پولیس نے اس شخص کو گرفتار کرلیا اور اس کی گاڑی بھی موٹر وہیکل ایکٹ  کے تحت قبصہ میں لے لی اس کے علاوہ  شراب پی کر گاڑی چلانے کی بنا پر ڈرائیور پر 500 روپے جرمانہ بھی چارج کیا گیا۔

واضح رہےارجن کپور  فلحال دیباکر بانرجی کے ہدایت کردہ فلم ‘سندیپ اور پنکی فرار ‘ کی شوٹ پر  پرینیٹی چوپڑا کے ہمراہ مصروف ہیں جن میں وہ ایک پولیس کا کردار نبھائیں گے۔  یش راج فلم  کی پروڈیوس کردہ یہ فلم  4 اگست 2018 کو ریلیز کی جائے گی۔

بشکریہ: زی نیوز