کراچی:انسداددہشت گردی عدالت نےایم کیوایم کے کارکن عبید کے ٹو پرغیر قانونی اسلحہ اور دھماکہ خیز مواد رکھنے کا جرم ثابت ہونے پر 14سال قید کی سزا سنادی ہے۔

جمعرات کو کراچی کی انسداد دہشت گردی کی عدالت میں ایم کیوایم کے معروف ٹارگٹ کلر عبید کے ٹو پر غیر قانونی اسلحہ اور دھماکہ خیز مواد رکھنے کا جرم ثابت ہوگیا۔

عدالت نے نائن زیرو سے گرفتارعبید کے ٹو کو 14سال قید کی سزا سنا دی اور مجرم کی منقولہ اورغیر منقولہ جائیداد کی ضبطگی کا بھی حکم دیا ۔

 پولیس کے مطابق ،ملزم عبید کے ٹو کی نشاندہی پر اپوا کالج گراونڈ سے بھاری تعداد میں اسلحہ برآمد ہوا تھا۔

مجرم عبید کے ٹو کو 11مارچ 2015کوایم کیوایم کے مرکز نائن زیروسے رینجرز آپریشن کے دوران گرفتار کیا گیا تھا۔