موبائل کی بورڈ استعمال کرتے ہوئے کئی بار ہم 'آٹو کریکٹ' کے مسئلے میں پھنس جاتے ہیں۔ آٹو کریکٹ کی وجہ سے ہم لکھنا کچھ اور چاہتے ہیں اور لکھ کچھ اور جاتا ہے۔
اسی طرح حال ہی میں پاکستان کی مشہور اداکار ماہرہ خان نے 'آٹو کریکٹ' کانشانہ بننے کے بعد اس کا ایک اسکرین شوٹ ٹوئٹر پر شیئر کیا۔
ماہرہ خان واٹس ایپ پر اپنی والدہ سے بات کررہی تھیں جہاں 'آٹو کریکٹ ' کی وجہ سے ساری بات بگڑ گئی۔
I just had to post this, both me and Ama having servere autocorrect issues ♀️ pic.twitter.com/ZNro6Ifmnz
— Mahira Khan (@TheMahiraKhan) November 4, 2017
انہوں نے ٹوئٹر پر اسکرین شوٹ پوسٹ کرتے ہوئے کہا کہ ' میں اور امی آٹو کریکٹ کے مسئلے سے دوچار تھے جس کی وجہ سے مجھے یہ اسکرین شوٹ پوسٹ کرنا پڑا'
خیرہم سمجھ سکتے ہیں کہ آٹو کریکٹ سے کتنے عجیب اور مزاحیہ نتیجے سامنے آتے ہیں لیکن جب کسی اسٹار کے ساتھ بھی یہ مسئلہ آئے تو مداح ہنسنے کا کوئی موقع نہیں چھوڑتے۔
آپ کو بتاتے چلیں کے اس سے پہلے ماہرہ خان کی رنبیر کپور کے ساتھ کچھ تصاویر وائرل کی جاچکی تھیں جن کی وجہ سے وہ لوگوں کی تنقید کا نشانہ بنی۔ تصاویر میں ماہرہ خان کو سگریٹ پیتے ہوئے دیکھا گیا تھا۔
جس کے کچھ دن بعد انہوں نے ان ساری تنقیدوں کا جواب یوں دیا'ایک لڑکی کیلئے یہ عام بات ہوتی ہے کہ وہ ایک لڑکے کے ساتھ گھومے'
یاد رہے کہ ماہرہ آج کل اپنی نئی فلم 'ویرنہ' کی پروموشن میں مصروف ہیں۔
