آج کل سوشل میڈیا ایک ایسا پلیٹ فورم بن چکا ہے جہاں اسٹارز اپنے مداحوں سے رابطے  میں رہتے ہیں لیکن بعض اوقات یہی پلیٹ فورم  اسٹارز کیلئے پریشانی کا سبب بھی بن جاتا ہے۔

ہم یہاں آپ کو ایسے ہی واقعات بتائیں گے جب مداحوں نے فنکاروں کیلئے پریشانی پیدا کی۔

سنی لیون

سائبر اسٹاکنگ  اور سوشل سائٹس کے ذریعے  اسٹارزکوہراساں کرنا کوئی   نئی بات نہیں۔ بولی وڈ اداکارہ سنی لیون بھی سائبر اسٹاکنگ کا شکار بن چکی ہیں۔  سنی  نے    بتایا ہے کہ ایک مداح  کس طرح ان کے گھر آکر انہیں نقصان پہچانے کی دھمکیاں دیا کرتا تھا۔

سنی  کے مطابق ، وہ  شوہر کے  بیرون ملک ہونے کی وجہ  سے  کافی ڈر گئی تھیں، اور گھر سے باہر نکلتے ہوئے چھری رکھا کرتی تھی۔ اگرچہ انہوں نے اپنا گھر تبدیل کرلیا لیکن پھر بھی انہیں  ڈر بار بار پریشان کرتا رہا۔

امیشا پٹیل

ویسے تو امیشا پٹیل آج کل فلمی دنیا سے دور دکھائی  دے رہی ہیں البتہ انہیں سوشل میڈیا پر اپنے مداح سے رابطہ رکھنا اچھا لگتا ہے۔  حال ہی میں ممبئی سے واپس آتے ہوئے انہوں نے  اپنے ایک مداح کے ساتھ تصویر بنائی  ، لیکن وہی مداح بعد میں ان کے گھر تک پیچھے لگ گیا۔

ایک رپورٹ کے مطابق   وہ شخص صبح تک امیشا پٹیل کے گھر کے نیچے کھڑا رہا  تاہم سیکیورٹی بلانے پر معاملہ رفع دفع ہو گیا۔

کترینہ کیف

بہادری کی وجہ سے  جانی  مانی اداکارہ کترینہ کیف جو  بھی جنونی مداح کا شکار رہ چکی ہیں۔   رپورٹ کے مطابق اس جنونی مداح کی نظر کترینہ کیف پر 9 مہینہ تک رہی۔

یہ واقعہ  2009 میں پیش آیا جب  یہ جنونی مداح اداکارہ کا ہر جگہ پیچھا کیا کرتا تھا اور ایک بار  تووہ شخص ان کے گھر تک بھی پہنچ گیا۔

مداح کا دعوی تھا کہ  کترینہ نے انہیں خود گھر میں آنے کی  دعوت دی تھی ردعمل پر کترینہ نے اس شخص کے خلاف  پولیس میں شکایت درج کروادی۔

شروتی ہاسن

بولی وڈ اور ساؤتھ فلموں کی مشہور اداکارہ شروتی ہاسن کا تجربہ بھی کترینہ سے مختلف نہیں رہا۔

کہا جاتا ہے کہ وہ کوئی مداح نہیں بلکہ فلم کی شوٹنگ ٹیم کا حصہ تھا۔

رپورٹ کے مطابق  وہ شخص  اداکارہ کے گھر آکر انہیں نقصان پہنچانا چاہ رہا تھا جس پر  شروتی نے پولیس کو شکایت کردی۔

ہریتک روشن

رپورٹ کے مطابق  ایک روسی خاتون  معروف اداکار ہریتک روشن کا پیچھا کیا کرتی تھی۔ یہاں تک کے ایک بار اس خاتون نے اداکار کے گھر گھسنے کی کوشش بھی کی۔

سشمیتا سین

اسٹارز کو ان کے مداح سے تحفہ ملنا کوئی خاص بات نہیں لیکن  یہ بات سن کر آپ چونک جائیں گے کہ فلم 'میں ہوں نا' کی معروف اداکارہ سشمیتا سن کو ایک مداح  نےشادی کا  جوڑا تحفہ میں دیا اور ان سے شادی کرنے کی خواہش پیش کی۔ بعد میں اسی شخص نےانہیں جان سے مارنے کی دھمکی بھی دی۔

شاہد کپور

شاہد کپور کو البتہ کسی مداح نے پریشان نہیں کیا بلکہ  لیجنڈری اداکار راج کمار کی بیٹی واستا وکتا پنڈت ان کا پیچھا کیا کرتی تھی، یہاں تک کہ انہوں نے شاہد کپور کے گھر کے پاس ایک مکان بھی خریدا اور جھوٹا دعوی کیا کے وہ شاہد کپور کی بیوی ہے۔

کنگنا راناوت

بہادر اور خوبصورت اداکارہ کنگنا کا مداح  سے متعلق کافی تجربہ رہا ہے۔ رپورٹ کے مطابق ایک شخص انہیں ڈھیر سارے پھول ، تحفہ اور خط بھیجا کرتا تھا البتہ ہر سلیبز کی طرح کنگنا کو بھی پولیس کو شکایت کرنی پڑی۔

اکشے کمار

بولی وڈ کھلاڑی اکشے کمار کے بےتحاشہ مداح رہے ہیں۔  ایک رپورٹ کے مطابق  ایک خاتون لکھنؤ میں اپنا گھر چھوڑ کر اکشے  سے ملنے ان کے گھر پہنچ  گئی۔  ملنے میں رکاوٹ  کی وجہ سے انہوں نے اپنا ہاتھ کاٹ لیا  ، یہ خبر سنتے ہی اکشے کمار فوراً انہیں ہسپتال  لے گئے۔