ہمارے جسم کو قدرت نے ایک پرفیکٹ مکینزم کے تحت تخلیق دیا ہے جس کے پرفیکٹ ہونے کا ثبوت یہ ہے کہ اس میں ایک ہی وقت میں بے شمار مختلف عوامل ایک ساتھ اپنے کام کی انجام دہی کررہے ہوتے ہیں۔

تاہم بعض اوقات ہمارے جسم میں کچھ ایسی علامات ظاہر ہونا شروع ہوجاتی ہیں جس سے یہ پتا چلتا ہے کہ ہمارے جسم کو مدد کی شدید ضرورت ہے لیکن پھر بھی ہم ان کو نظر انداز کررہے ہوتے ہیں۔

آج ہم آپ کو بتانے جارہے ہیں کہ جسم کے کسی بھی حصے میں رونما ہونے والی ان علامات کو قطعاً نظر انداز نہ کریں اور فوری طور پر ڈاکٹر سے رابطہ کریں۔

انسومنیا، چڑچڑا پن اور ٹانگوں میں کھنچاؤ

اگر آپ کے جسم میں بھی ایسی کوئی علامت ظاہر ہوتی ہے تو آپ کے جسم کو پوٹاشیم اور میگنیشیم کی شدید ضرورت ہے۔ ان کی کمی کو پورا کرنے کے لئے ٹماٹر، کینو، کیلے اور پالک کے زیادہ سے زیادہ استعمال کو اپنی روزانہ کی ڈائٹ میں شامل کرلیں۔

خشک جلد

جلد کا خشک ہونا جسم میں وٹامن ای کی کمی کو ظاہر کرتا ہے اس کمی کو دور کرنے کے لئے آپ کو زیادہ سے زیادہ سبزیاں، تیل، میوے اور مچھلی کا استعمال کرنا چاہیئے۔

اچانک کسی میٹھی چیز کی چاہ

اگر آپ کا دل اچانک کوئی میٹھی چیز کھانے کو کرے تو اس کا سیدھا سا مطلب ہے کہ آپ اسٹریس، ڈپریشن یا تھکن کا شکار ہیں ایسے میں آپ کے جسم کو فوری گلکوز کی ضرورت ہوتی ہے۔ لیکن ایسے میں آپ شہد یا براؤن چاکلیٹ چکھ لیں ورنہ باقی چیزیں تو وزن بڑھنے کا باعث بن سکتی ہیں۔

اچانک برف کھانے کی چاہ

اگر آپ کو ایسا محسوس ہو کہ آپ کا دل برف کھانے کو چاہ رہا ہے تو آپ خون کی کمی کا شکار ہوسکتے ہیں ایسے میں آئرن سے بھرپور غذاؤں کا استعمال کریں جیسے بیف، انڈے اور مولسکس۔اس کے علاوہ ڈاکٹر سے بھی مشاورت کریں۔

مسوڑوں سے خون آنا

        جب آپ برش کریں اور مسوڑوں سے خون آنے کی شکایت پیش آئے تو یہ وٹامن سی کی کمی کو ظاہر کرتا ہے۔ ایسے میں رس دار پھل، پالک، ٹماٹر اور گوبھی کا استعمال کریں۔

بالوں اور ناخنوں کا خراب ہونا

اگر آپ کے بال اور ناخنوں پر نشانات یا کمزوری آرہی ہوتو یہ وٹامن بی کی کمی کا اظہار کرتا ہے ایسے میں دودھ اور مشرومز کا زیادہ سے زیادہ استعمال کریں۔

آنکھوں کے ڈیلے کے گرد سرکلز

یہ سرکلز عموماً پچاس سال سے زائد عمر کے لوگوں کی آنکھوں میں پائے جاتے ہیں لیکن اگر یہ کسی نوجوان فرد کے نمودار ہوجائیں تو یہ کولیسٹرول کے اضافے کو ظاہر کرتے ہیں۔ ایسے آپ کو فوراً ڈاکٹر سے رجوع کرنا چاہیئے۔

Thanks to brightside