جان ابراہیم ،ہریتک روشن اور عامر خان کے بعد قیاس آرئیاں تھیں کہ سلمان خان یش راج کی دھوم فرنچائز کی نئی فلم کا حصہ بنیں گے۔ تاہم اب سلمان کی جگہ ایک نیا نام گردش کر رہا ہے اور وہ شاہ رخ خان ہیں۔ سلمان نے حال ہی میں 'ریس 3 ' فلم سائن کی ہے، جس کے بعد اب شاہ رخ کا نام سامنے آ رہا ہے۔ بولی وڈ لائف کے مطابق شاہ رخ کے مداح انہیں 'دھوم 4' میں ایک بار پھر ولن کے روپ میں دیکھیں گے۔ ذرائع کے مطابق فلم منیش شرما کو لکھنے کے لئے دی گئی ہے ۔ آپ کو بتاتے چلیں کہ فلم کے ہدایت کار وجے کرشنا اس وقت اپنی نئی فلم' ٹھگ آف ہندوستان 'کی شوٹنگ میں مصروف ہیں جس کی وجہ سے ممکن ہے کہ دھوم فور کی ہدایت کاری کا ذمہ خود منیش ہی سنبھال لیں۔ یاد رہے کہ اس سے پہلے منیش اور شاہ رخ فلم'فین' میں ساتھ کام کرچکے ہیں۔ 'فین' کے باکس آفس پر ناکام ہونے کے باوجود منیش اور شاہ رخ مل کر کام کرنے کیلئے پر امید ہیں۔ بشکریہ: زی نیوز
